މިރަށަކީ ރާއްޖޭގައި ބުޑިސްޓުން އުޅުނުކަން ރަމްޒުކޮށްދޭ ހެކިތަކުގެ ތެރެއިން އެފަދަ އެންމެ ގަދީމީ ތަންތަން ހުރި ރަށެވެ. މީގެތެރެއިން އެންމެ ފާހަގަކޮށްލެވޭ ތަނަކީ ލަންދޫ "މާބުދުގެ" ކިޔާ ތަނެވެ. ރާއްޖެއިން ފެނުނު އެންމެ ދުވަސްވީ ލިޔުން ފެނުނީވެސް މިރަށުންނެވެ. އެ ލިޔުން މިހާރު ބާއްވާފައިވަނީ ޤައުމީ ދާރުލްއާސާރުގައެވެ. މިރަށަކީ ނިސްބަތުން ކުއްޅަވައް ގިނަ ރަށެކެވެ.