މިރަށަކީ މާޅޮސްމަޑުލު އުތުރުބުރީގައި އޮންނަ އެންމެ ބިން ބޮޑު ރަށެވެ. ޑަބްލިޔޫ.އެޗް.އޯ.އިން ދޭ، "ދުންފަތުގެ އިސްތިޢުމާލު ނުކުރާ ރަށުގެ އެވޯޑް" 2004 ވަނަ އަހަރު މިރަށަށް ލިބިފައިވެއެވެ. މިރަށުގެ މީހުން އާންމުކޮށް ކޮށްއުޅޭ މަސައްކަތަކީ މަސްވެރިކަމެވެ. 200 އަހަރަށް ވުރެ ގިނަ ދުވަސްވެފައިހުރި ވާރުގެއެއް މިރަށުގައި ހުރެއެވެ. އަދި ސަރުކާރުގެ ނަމުގައި އޮންނަ ހަމައެކަނި ބަނބުކެޔޮވަޅު އޮންނަނީ މިރަށުގައެވެ.
