ހއ މޮޅަދޫ އަކީ ޤުދުރަތީ ޚާޢްޞަ ރީތި ސިފަތަކެއްލިބިފައިވާ އަތޮޅުގައި ހިމެނޭ މީހުން ދިރިއުޅޭ ބޮޑެތި ރައްރަށުގެ ތެރޭގައި ހިމެނޭ ނަމަވެސް އަތޮޅުގެ އާބާދީ އެންމެ ކުޑަ ރަށެވެ. މިރަށާއި އެއްފަޅެއްގައި ގާމަތި ކުޅުދޫ ކިޔާ ފަޅުރަށެއް އޮވެއެވެ. އިހަވަންދޫ އަދި ހޯރަފުށްޓަކީ މިރަށާ އެންމެ ކައިރީ އޮންން މީހުންދިރިއުޅެމުންދާ ދެރަށެވެ މިދެރަށަށް ސްޕީޑް ލޯންޗެއްގައި ގާތްގަނޑަކަށް 15 ވަރަކަށް މިނެޓުންދެވޭނެއެވެ. އަދި ސްޕީޑް ލޯންޗެއްގައި 10 ވަރަކަށް މިނިޓުންދެވޭ ހިސާބު ކައިރީ މަނަފަރު ކިޔާ ފަޅުރަށެއްގައި ރަގަނޅުފެންވަރުގެ ރިސޯޓެއް ހިންގަމުންދާކަން ފާހަގަ ކުރެވެއެވެ. އަދި މިރަށާ ވަރަށް ކައިރީ އޮންނަ ބެރިންމަދޫގައި ރިޒޯޓެއް ހެދުމުގެ މަސައްކަތް ފެށި ހުއްޓިފައި ވެއެވެ.
ރށުގެ ރައްޔިތުންނަކީ އެކުވެރި އެއްބައިވަންތަ ރައްޔިތެކަން ފާހަގަ ކުރެވެއެވެ. އަދި މެހްމާނުންނަށް ހިނިތުން މޫނަކާއެކު މަރުޙަބާ ކިޔާ ރައްޔިތަކު ދިރިއުޅެމުންދާ ރަށެއްކަން ފާހަގަ ކުރެވެއެވެ.
އުތުރުކޮޅު ތުނޑި ނަލަ ނަލަ ދޮންވެިގަނޑެއް ޗާލު މޫދެއް
ތުނޑި
ޤުދުރަތީ ރީތި ސިފަތަކެއް ލިބިފައިވާ މޮޅަދޫ ކަނޑޫފާ
ރަށުގެ ގަބުރުސްތާނަކީ ގަރުނަކަށް ވުރެ ގިނަދުވަސްވެފައިވާ ވެފައިވާ ހިރިގަލުގެ ރީތި ކުރެހުންތައް ހުރި އާސާރީ ގިނަމަހާނާ ގާތަކެއްހުރި ތަނެކެވެ. މި ގަބުރުސްތާނުގައި ސިޔާސީ ކުއްވެރީންގެ ގޮތުގައި އަރުވާލާފައިވާ ބައެއް ބޭބޭފުޅުންގެ މަހާނަ ވެސް ހުންނާނޭކަމަށް ޢުމުރުން ދުވަސްވީ ބޭފުޅުން ވިދާޅުވެއެވެ.
މި ޒިޔާރަތަކީ ކުރީގެ ހުކުރުމިސްކިތު ގޯތިތެރޭ ވާ ގަބުރުސްތާނު ތެރޭ ހަދާފައިހުރި ޒިޔާރަތެކެވެ. މި ޒިޔާރަތް ހަދާފައިވަނީ ބިންގަލަށް ވެލިގައު އަދި ޒިޔާތަތުގެ ބިއްތައް ވަކަރާއި ކާނި ފަދަ ލަކުޑި ބޭނުން ކޮށްގެންނެވެ މި ޒިޔާރަތަކީ 100 އަހަރަށް ވުރެ ގިނަދުވަސް ވެފައިވާ އަދި ޒިޔާރަތް ނުހުންނަ ހަދާންވާ އެއްވެސް މީހެއް ނެތް ޒިޔާރަތެކެވެ، މީގެ 50 ހަކަށް އަހަރު ކުރިނ މިޒިޔާރަތަށް ރަށުގެ މީހުންނާއި އެހެންރަށްރަށުގެ މީހުން ނަދުރު ބުނެގެން ކަންޖާއި ބޮޑިބަތާއި ދޮންކޭލާއި އަޅާ މީހުން ކިރާހެދިއެވެ. އަދި ކާށިވެސް ގިން ޢަދަކަށް ޒިޔާރަތައް ނަދުރު ބުނެގެން ގެނެއެވެ. ނަމަވެސް މިހާރު އެއްގޮތަކަށްވެސް ނަދުރު ބުނެ ހަދާކަމެއް އެގިފައި ނުވެއެވެ.
ޒިޔާރަތާބެހޭ ގޮތުން ދެކެވޭ ވާހަކަތަކަށް ބަލާއިރު މި ޒިޔާރަތަކީ ބުނެވޭ ގޮތުގައި މަތީރަށްފުޅުގައި އޮންނެވި ވަލީވެރި ކަލޭގެފާނުގެ އާއިލާ ބޭފުޅެއެގެ ސަންދޯން އަރަބި ކަރައިގެ ނަވަކުން މިރަށަށް ބޭލުމުން ސަންދޯއް ގެނެސް މިސްކިތްދޮށުގައި ވަޅުލައި ޒިއާރަތް ހެދީކަމަށެވެ. ޒިއާރަތް ހެދިތަނާ އެއްދުވަހަކު ވަރަށް ދިގު ހައިވަކަރު ދިދަ ދަނޑިއެއް ލެއްގިކަމަށާއި އެދިދަ ދަނޑި ލެއްގުމުން ރަށުގެ މީހުން އެދިދަ ދަނޑި ޒިއާރަތުގައި ޖަހަން އުޅޭކަން އަތޮޅުވެރިންނަށް އެގިގެން އެދިދަ ދަނޑި އަތޮޅު އޮފީހަށް ފޮނުވުމަށް އަންގައި އަތޮޅުވެރިން ބުނުއްވިކަމަށް ކިޔަނީ " ދިދަ ދަނޑި ޖަހަން ޖެހޭވަރުގެ ބޭކަލެއް ވިއްޔާ އަދި ދިދަ ދަނޑިއެއް ލައްގާނެޔޭ. ހޮވާފައިއޮތް ދިދަ ދަނޑި އަތޮޅު އޮފީހަށް ފޮނުވާށޭ " ދެން ދިދަ ދަނޑި އަތޮޅު އޮފީހަށް ފޮނުވުމުން އެހެން ދިދަ ދަނޑިއެއް ލެއްގީކަމަށާއި މިހާރު ޖަހާފައި ހުރި ދިދަދަނޑިއަކީ ފަހުންލެއްގި ދިދަ ދަޑިކަމަށެވެ