ރަތްމަންދޫ މެޖިސްޓްރޭޓް ކޯޓް:

ފެނަކަ ރަތްމަންދޫ ބްރާންޗް:
ރަތްމަންދޫގައި މިހާރު ކަރަންޓް ދިނުމަށް ބޭނުން ކުރަމުންދާ އިންޖީނުގޭގެ އިމާރާތަކީ 1997 ވަނަ އަހަރު ބިންގާ އަޅައި 1998 ވަަނަ އަހަރުން ފެށިގެން ޚިދުމަތް ދެމުންދާ އިމާރާތެކެވެ. ކުރިން ރައްޔިތުން އިންޖީނުގެ ހިންގަމުން ދިޔަޔަސް ފަހުން ވަނީ ފެނަކަ ކޯޕަރޭޝަންގެ ދަށަށް ރަތްމަންދޫ އިންޖީނުގެ ބަދަލުކޮށްފައެވެ

ރަތްމަންދޫ ހެލްތް ސެންޓަރ:
ސަރުކާރުން ރަތްމަންދޫގައި ހެލްތް ޕޯސްޓެއް ޤާއިމްކޮށް ޙިދުމަތް ދޭން ފަށާފައިވަނީ 2008 ވަނަ އަހަރުގައެވެ. ފަހުން ރަތްމްނދޫ ހެލްތް ޕޯސްޓް ސިއްޙީ މަރުކަޒަކަށް ވަނީ ބަދަލުކޮށްފައެވެ. މިހާރު ރަތްމަންދޫ ސިއްޙީ މަރުކަޒުގައި ޑޮކްޓަރަކާއި 2 ނަރުހުން ތިއްބަވައެވެ.

ދިރާގު ގެ ބޭނުމަށް ދޫކޮށްފައިވާ ބިން:
ރަތްމަންދޫގައި ދިރާގަށް ދޫކޮށްފައިވާ ބިމުގައި އިމާރާތެއްގެ އިތުރުން ޓަވަރެއް ޤާއިމް ކޮށްފައި ހުރެއެވެ.

ރަތްމަންދު ފުޓުބޯޅަ ދަނޑު:
ރަތްމަންދޫގައި ފުޓުބޯޅަ ދަނޑެއްގެ ގޮތުގައި ފުރަތަމަ ބިމެއް ކަނޑައަޅަފައިވަނީ 1985 ވަނަ އަހަރުގައެވެ. އޭރު ދޫކޮށްފައިވާ ބިމުގެ ބޮޑުމިނަކީ 300*210 ފޫޫޓެވެ. ޖުމްލަ (63،000 އަކަފޫޓު)

ރަތްމަންދޫ މިސްކިތް:
ރަތްމަންދޫ މިސްކިތް(މަސްޖިދުއް ނަޙްޟާ) ގެ އިމާރާތުގެ ބިންގާ އަޅާފައިވަނީ 1998 ވަނަ އަހަރުގެ ފެބްރުއަރީ މަހުގެ 11 ވަނަ ދުވަހުގައެވެ. އަދި މިސްކިތުގެ މަސައްކަތް ނިމި، މިސްކިތް ހުޅުވާފައިވަނީ 2001 ވަނަ އަހަރުގެ ޑިސެމްބަރު މަހުގެ 28 ވަނަ ދުވަހުގައެވެ.

ރަތްމަންދޫ ޖެޓީ:
ރަތްމަންދޫގައި މިހާރު މީހުން އަރާފޭބުމާއި، މުދާ އަރުވައި ބާލައި ހެދުމަށް ބޭނުން ކުރަމުންދާ ޖެޓީއަކީ 2018 ވަނަ އަހަރު ޤާއިމްކޮށްފައިވާ ކޮންކްރިޓް ޖެޓީއެކެވެ. ޖެޓީގެ ބައެއް މަސައްކަތް ނިމިފައި ނެތް ނަމަވެސް ޖެޓީގެ މަސައްކަތުގެ ބޮޑު ބައެއް ވަނީ ނިމިފައެވެ.

ރަތްމަންދޫ ސްކޫލް:
ރަތްމަންދޫ ސްކޫލް ނުވަތަ އޭރުގެ ނަމުންނަމަ "ރަތްމަންދޫ މަކުތަބު" އަކީ 1988 ވަނަ އަހަރު ހުޅުވަާފައިވާ ސްކޫލެކެވެ.

ރަތްމަންދޫ ހުޅަނގު ފަރާތުގެ އަތިރިމަތި:
ރަތްމަންދޫ އަކީ ރާއްޖޭގެ ގިނަ ރައްތަކެކޭ އެއްފަދައިން ރައްގިރުމުގެ މައްސަލަ ވަރަށް ބޮޑަށް ކުރިމަތިވެފައިވާ ރަށެކެވެ. ރަށް ގިރުމުގެ ސަބަބުން ރަށުގެ ހުޅަނގު ފަރާތުގެ އަތިރިމަތީގައި ހުރި އެތައް ރުއްގަހެއް ވެއްޓި، ރަށުގެ މޫނުމަތި ވަނީ ވަރަށް ބޮޑަށް ހަޑިވެފަެއެވެ.