ސަރަހައްދުގެ ބޮޑުމިން (ހެކްޓަރުން):
25.50
ހިމާޔަތްކުރި ތާރީޙް:
22 ސެޕްޓެންބަރު 2020
| އިއުލާން/ގަވާއިދު ނަންބަރު: |
(IUL)438-ENV/438/2020/162
|
މި ދެކުޅި އަކީ އައްޑާ ސިޓީގެ ހިތަދޫ އިރުދެކުނު ފަރާތުގައި އޮންނަ ޗަސްބިމުގައި ހެދިފައިވާ ދެކުޅިއެވެ. މިސަރަހައްދަކީ ޗަސްބިން ސަރަހައްދެއްކަމުން، ރަށަށް ވެހޭ ވާރޭ މިސަރަހައްދަށް ފަސޭހަކަމާއެކު ހިނދިގެން ދެއެވެ. އެހެންކަމުން، މސަރަހައްދަކީ މިރަށުގައި ފެންބޮޑުވުމުގެ ފުރުސަތު ކުޑަކޮށް ދިނުމުގެ ދައުރުއަދާކުރާ މުހިއްމު ސަރަހައްދެކެވެ. މިސަރަހައްދުގެ ފަސްގަނޑަކީ ގަސް ހެއްދުމަށް ފަސޭހަ ފަސްގަނޑެއްކަމުން، ރަށުގެ ބައެއް ފަރާތްތަކުން ދަނޑުވެރިކަމަށް ވެސް ބޭނުން ކުރާ ސަރަހައްދެކެވެ. މިސަރަހައްދުގެ ދިރުންތަކަށް ބަލާލާއިރު، މޫސުމީ ދޫންޏާއި، ކުޅިފަލުގައި ހެދޭ ގަހުގެ ބާވަތެއް ކަމުގައިވާ ބުރެވި ފެނެއެވެ. މީގެ އިތުރުން، ދިއްގާ، ހިރުނދު އަދި ބޯކަށިކެޔޮ މިސަރަހައްދުގައި ގިނަ އަދަދަކަށް ހެދިފައިވެއެވެ. މިތަނުގައި 'ކާފަރުބުރު' ނަމަކަށް ކިޔާ ފެނުގައި ހެދޭ ބާވަތުގެ ގަހެއް ހެދިފައިވެއެވެ. މި ގަހަކީ މި ސަރަހައްދަށް ތަޢާރަފު ކޮށްފައިވާ ބާވަތެއްގެ ގަހެއް ކަމަށް ލަފާކުރެވެއެވެ. މީގެ އިތުރުން، މިސަރަހައްދުގެ ފެންގަނޑުގައި ނީލޯފަރު (ލޮޓަސް) ގިނައަދަދަކަށް ހެދިފައިވެއެވެ. އަދި ކާފަރުބުރާއި ނީލޯފަރު މިސަރަހައްދުގައި ގިނަވުމުގެ ސަބަބުން މިސަރަހައްދުގެ ފެންގަނޑު ތިލަވަމުންދާކަން ފާހަގަކުރެވެއެވެ. މިފަދަ މައްސަލަތައް ޙައްލުކޮށް، އިއާދަކޮށް (ރީސްޓޯކޮށް) ހިމާޔަތްކުރުމަކީ މި ސަރަހައްދަށް ޒިޔާރަތްކުރާ މޫސުމީ ދޫންޏާއި ހިމާޔަތްކޮށްފައިވާ ދޫނީގެ މާހައުލުތައް ދެމެހެއްޓުމަށްޓަކައި މުހިއްމު ކަމެކެވެ. މި ސަރަހައްދުން ފެންނަ ދޫނީގެ ތެރޭގައި މާކަނާ، ކުޅީ ކުކުޅު، އަދި ދޮންދީނި ފާހަގަކޮށްލެވެއެވެ.
ކުރުން ހުއްދަ ކަންތައްތައް:
ކަނޑައެޅިފައިވާ އުޞޫލެއްގެ ދަށުން ޚާއްޞަ ހުއްދައަކާއިއެކު ކުރުން ހުއްދަ ކަންކަން