ށ.ނާލާހުރާ ފިނޮޅާއި، ފަޅުގެ ސަރަޙައްދު

އިއުލާން/ގަވާއިދު ނަންބަރު:

(IUL)438-ENV/438/2019/150

ޤުދުރަތީ އަދި ޠަބީޢީގޮތުގައި ރައްކައުތެރިކޮށް ދަމަހައްޓާ ގިންތި:

ބައުންޑްރީގައި ހިމެނޭ ރަށްތައް:

ށ. ނާލާހުރާ

ހިމާޔަތްކޮށްފައިވާ ސަރަހައްދެއްކަން ކަނޑައެޅުނު ސަބަބުތަކާއި މިތަނުގެ ޚާއްޞަ ސިފަތައް:

ނާލާހުރާއަކީ، ށ. ހުރަސްފަރުހުރާގެ ދެކުނަށް އޮންނަ، 2 ހެކްޓަރުގެ ކުޑަ ދޮންވެލި ފިނޮޅެކެވެ. މިފިނޮޅަކީ ޤުދުރަތީގޮތުންނާއި ތިމާވެށީގެ ގޮތުން ޚާއްސަ ސިފަތަކެއް ލިބިގެންވާ، ދެމޫސުމުގައި ވެލިގަނޑު އެކި ސަރަހައްދުތަކަށް ދައުރުވާ ފިނޮޅެކެވެ. މިފިނޮޅަކީ ހުރިހާ މޫސުމެއްގައިވެސް އައިންމަތީ ދޫނިތައް ގިނައިން ޖައްސާ އަދި ނިދަން އަރާ ފިނޮޅެކެވެ. މިގޮތުން ގިނަ އަދެދެއްގެ ކުރަނގި ބައިގަނޑުތައް ދުވާލުގެ ހުރިހާ ގަޑިއެއްގައި ވެސް މިފިނޮޅުގައި ތިބޭކަން ފާހަގަކުރެވެއެވެ. އަދި ބައެއް ކުރަނގި ނިދަންވެސް މިފިނޮޅަށް އަރައެވެ. މި ފިނޮޅަކީ ވައްލަ ބިސްއަޅާ ވިހާ އާލާވާ ފިނޮޅެކެވެ.