ލ.ގަމު ބޮޑު ފެންގަޑު ސަރަހައްދު

ކަނޑައެޅިފައިވާ އުސޫލެއްގެ ދަށުން ހާއްސަ ހުއްދައަކާއެކު ކުރުން ހުއްދަ ކަންކަން:

1. ޙިމާޔަތްކޮށްފައިވާ ސަރަހައްދަށް އާއްމުންނާއި ފަތުރުވެރިން ޒިޔާރަތްކުރުން
2. އިކޯ ޓޫރިޒަމްގެ މަސައްކަތެއް ކުރުން
3. ދިރާސާ ކުރުން
4. ރެސްޓޮރޭޝަން ނުވަތަ ރީހެބިލިޓޭޝަންގެ ބޭނުމަށް އެއްވެސް ކަމެއް ކުރުން
5. ހިކިފަން، ކާށި، ދަރު، މަދު ހޮވުން
6. ކުޅި، ފާ، ޗަސްބިމުގައި ހެދޭ ގަސްގަހާގެހިން މޭވާ ފަދަ އެއްޗެތި ބޭނުން، ކެނޑުން ނުވަތަ އުފުރުން
7. ލަކުޑިއާއި ދަނޑި ކެނޑުން
8. ޢުމްރާނީ ތަރައްޤީގެ މަސައްކަތެއް ނުވަތަ އިންފްރާސްޓްރަކްޗަރ ޤާއިމްކުރުން

މި ސަރަހައްދުގައި ހިމެނޭ އެންމެހައި ތަންތަނުގައި ކުރުން މަނާ ކަންކަން:

1. އެއްވެސް އެއްޗަކަށް/ތަނަކަށް ގެއްލުމެއް ނުވަތަ ބަދަލެއް އަތުވެދާނެ އެއްވެސް ޢަމަލެއް ކުރުން
2. އެއްވެސް އެއްޗެއް/ދިރުމެއް ނެގުން، މެރުން، ގޯނާކުރުން، ނުވަތަ ހިފުން
3. އެއްވެސް ދިރުމެއްގެ ބިސް ނެގުން ނުވަތަ އަދި ހާއްޔަށް ގެއްލުން ދިނުން
4. ކުނި އެޅުން
5. އަލިވާގޮތަށް ރޭގަނޑު އެ ސަރަހައްދު ދިއްލުން
6. މިތަނުގައިވާ ދިރުންތަކުގެ އާދަކާދައަށް ބުރޫއަރާގޮތަށް އަޑުގަދަ ކުރުން
7. އެއްވެސް ބާވަތެއްގެ ދިރުމެއް ތަޢާރަފުކުރުން
8. މަސްމަހާމެއް ދޫނިސޫފާސޫފި ހިމެނޭ ގޮތަށް، އެއްވެސް ދިރޭ އެއްޗަކަށް ކާންދިނުން ނުވަތަ ކާންއެޅުން.

މޫދު ސަރަހައްދުގައި ކުރުން މަނާ ކަންކަން:

1. ތެޔޮ، ގޭސް ނުވަތަ އެއްވެސް ބާވަތެއްގެ މައުދަނެއް ހޯދުމަށް ދިރާސާކުރުމާއި، މައިން ކުރުން
2. ބިން ހިއްކުމާއި ފަޅު ފުން ކުރުން
3. ނަގިލި ލުން
4. ޢުމްރާނީ ތަރައްޤީގެ މަސައްކަތެއް ނުވަތަ އިންފްރާސްޓްރަކްޗަރ ޤާއިމްކުރުން
5. އެކުއާކަލްޗަރ ނުވަތަ މެރިކަލްޗަރ ގެ މަސައްކަތްކުރުން
6. ގައު، ވެލި، މުރަކަ، އަކިރި ނެގުން
7. އެއްވެސް "ފޮލިއުޓެންޓެއް" ދޫކުރުން ނުވަތަ އަދި ބޭރުވާ ގޮތަށް އައުޓްފޯލް ބެހެއްޓުން

އެއްގަމުގެ ސަރަހައްދުގައި ކުރުން މަނާ ކަންކަން:

1. ބޮޑުފެންގަނޑަށް ދިޔުމަށް ޚާއްޞަކޮށްފައިވާ ޗަކަ މަގުގައި އިންޖީނުލީ އުޅަނދު ދުއްވުން
2. ގަސްގަހާގެހި ކެނޑުން، އުފުރުން، ގެއްލުންދިނުން
3. ކަޅުފަސް ނުވަތަ ދޮންފަސް ނެގުން
4. މި ސަރަހައްދުގައި ހިމެނޭ ބާވަތްތައް ފިޔަވައި، އެހެން އެއްވެސް ބާވަތެއްގެ ގަހެއް އޮށެއް އިންދުން
5. އަލިފާން ރޯކުރުން
6. ދަނޑުވެރިކަމުގެ މަސައްކަތްތައް ކުރުން