ލ.ހިތަދޫ ކުޅިއާއި ވަށައިގެންވާ މޫދު ސަރަހައްދު

މި ސަރަހައްދުގައި ހިމެނޭ އެންމެހައި ތަންތަނުގައި ޚާއްޞަ ހުއްދައާއެކު ކުރެވޭނެ ކަންކަން:

1. ޙިމާޔަތްކޮށްފައިވާ ސަރަހައްދަށް އާއްމުންނާއި ފަތުރުވެރިން ޒިޔާރަތްކުރުން
2. އިކޯ ޓޫރިޒަމްގެ މަސައްކަތެއް ކުރުން
3. ދިރާސާ ކުރުރުން
4. ރެސްޓޮރޭޝަން ނުވަތަ ރީހެބިލިޓޭޝަންގެ ބޭނުމަށް އެއްވެސް ކަމެއް ކުރުން
5. އަލިވާގޮތަށް ރޭގަނޑު އެ ސަރަހައްދު ދިއްލުން

މޫދު ސަރަހައްދުގާއި ޚާއްޞަ ހުއްދައާއެކު ކުރެވޭނެ ކަންކަން:

1. ޑައިވްކުރުމާއި ސްނޯކުލްކުރުން
2. ރާޅާ އެޅުމާއި، މޫދުކުޅިވަރުތައް
3. މަސްވެރިކަން ކުރުން

އެއްގަމު ސަރަހައްދުގާއި ހާއްސަ ހުއްދައާއެކު ކުރެވޭނެ ކަންކަން:

1. ހިކިފަން، ކާށި، ދަރު، މަދު ހޮވުން
2. ކުޅި، ފާ، ޗަސްބިން ހިމެނޭ ސަރަހައްދުގައި، ޢުމްރާނީ ތަރައްޤީގެ މަސައްކަތެއް ނުވަތަ އިންފްރާސްޓްރަކްޗަރ ޤާއިމްކުރުން
3. ކުޅި، ފާ، ޗަސްބިމުގައި ހެދޭ ގަސްގަހާގެހިން މޭވާ ފަދަ އެއްޗެތި ބޭނުން، ކެނޑުން ނުވަތަ އުފުރުން
4. ކަކުނި ނެގުން / ހިފުން
5. ލަކުޑިއާއި ދަނޑި ކެނޑުން
6. ބޮނބި ފާކުރުން

މި ސަރަހައްދުގައި ހިމެނޭ އެންމެހައި ތަންތަނުގައި ކުރުން މަނާ ކަންކަން:

1. ޙިމާޔަތްކޮށްފައިވާ ސަރަހައްދުގައިވާ އެއްވެސް އެއްޗަކަށް ތަނަކަށް ގެއްލުމެއް ނުވަތަ ބަދަލެއް އަތުވެދާނެ އެއްވެސް ޢަމަލެއް ކުރުން
2. އެއްވެސް އެއްޗެއް/ދިރުމެއް ނެގުން، މެރުން، ގޯނާކުރުން، ނުވަތަ ހިފުން
3. އެއްވެސް ދިރުމެއްގެ ބިސް ނެގުން ނުވަތަ ހާއްޔަކަށް ގެއްލުން ދިނުން
4. ކުނި އެޅުން
5. މިތަނުގައިވާ ދިރުންތަކުގެ އާދަކާދައަށް ބުރޫއަރާގޮތަށް އަޑުގަދަ ކުރުން
6. އެއްވެސް ބާވަތެއްގެ ދިރުމެއް ތަޢާރަފުކުރުން
7. މަސްމަހާމެއްސާއި، ދޫނިސޫފާސޫފި ހިމެނޭ ގޮތަށް، އެއްވެސް ދިރޭ އެއްޗަކަށް ކާންދިނުން ނުވަތަ ކާންއެޅުން

މޫދު ސަރަހައްދުގައި ކުރުން މަނާ ކަންކަން:

1. ތެޔޮ، ގޭސް ނުވަތަ އެއްވެސް ބާވަތެއްގެ މައުދަނެއް ހޯދުމަށް ދިރާސާކުރުމާއި، މައިން ކުރުން
2. ބިން ހިއްކުމާއި ފަޅު ފުން ކުރުން
3. ޙިމާޔަތްކޮށްފައިވާ ދިރުންތައް ރޭގަނޑު ދިއްލައިގެން ތިލަކުރުން
4. ނަގިލިލުން
5. ޢުމްރާނީ ތަރައްޤީގެ މަސައްކަތެއް ނުވަތަ އިންފްރާސްޓްރަކްޗަރ ޤާއިމްކުރުން
6. އެކުއާކަލްޗަރ އަދި މެރިކަލްޗަރގެ މަސައްކަތްކުރުން
7. ގައު، ވެލި، މުރަކަ، އަކިރި ނެގުން
8. އެއްވެސް "ޕޮލިއުޓެންޓެއް" ދޫކުރުން ނުވަތަ/އަދި ބޭރުވާ ގޮތަށް އައުޓްފޯލް ބެހެއްޓުން

އެއްގަމު ސަރަހައްދުގައި ކުރުން މަނާ ކަންކަން:

1. ގަސްގަހާގެހި ކެނޑުން، އުތުރުން، ގެއްލުންދިނުން
2. ކަޅުފަސް ނުވަތަ ދޮންފަސް ނެގުން
3. މި ސަރަހައްދުގައި ހިމެނޭ ބާވަތްތައް ފިޔަވައި، އެހެން އެއްވެސް ބާވަތެއްގެ ގަހެއް އޮށެއް އިންދުން
4. ކަނޑައެޅޭ ސަރަހައްދުތައް ފިޔަވައި އެހެން ތަނެއްގައި އަލިފާން ރޯކުރުން
5. ދަނޑުވެރިކަމުގެ މަސައްކަތް ކުރުން